UZ | RU | EN    

1 2
 
«Noyabr 2017»
DuSeChPaJuShYa
  12345
6789101112
13141516171819
20212223242526
27282930   
       










Axborot resurslari


Saytga ovoz bering

A'lo
Zo'r
Yaxshi
Bo'ladi
Bo'lmaydi
Natijalarni ko'rish
Davlat ramzlari







Ilmiy faoliyat

Jizzax politexnika institutining 2014 yilda o'tkazish uchun Respublika miqyosidagi ilmiy-texnik anjuman

2014-03-15 / 11:30
Jizzax politexnika institutining 2014 yilda o'tkazish uchun
Respublika miqyosidagi ilmiy-texnik anjuman bo'yicha
ASOSNOMASI


1. Anjuman mavzusi: Innovatsion g'oyalar, texnologiyalar va loyihalarni ishlab chiqarish tarmoqlariga tadbiq etish muammolari.

2. Anjuman maqomi: Respublika miqyosidagi ilmiy-texnik anjuman

3. Ilmiy va ilmiy-texnik anjumanni o'tkazish uchun asos bo'lgan O'zbekiston Respublikasi Prezidenti farmonlari, qarorlari, Vazirlar Mahkamasini qarorlari, farmoyishlari yoki boshqa manbalar

O'zbekiston Respublikasi Prezidentining 2006 yil 7 avgustdagi "Fan va texnologiyalarni rivojlantirishni muvofiqlashtirish va boshqarishni takomillashtirish chora-tadbirlari to'g'risida"gi PQ-436 sonli, 2008 yil 15 iyuldagi "Innovatsion loyihalar va texnologiyalarni ishlab chiqarishga tadbiq etishni rag'batlantirish borasidagi qo'shimcha chora-tadbirlar to'g'risida"gi PQ-916 sonli va "Oliy ta'lim muassasalarining moddiy texnik bazasini mustahkamlash va yuqori malakali mutaxassislar tayyorlash sifatini tubdan yaxshilash chora tadbirlari to'g'risida" qarorlari.

4. Anjumanning ilmiy yo'nalishi, maqsad va vazifalari:
• Mamlakatimizda fan va texnologiyalar modernizatsiyasi borasida amalga oshirilayotgan tub islohotlar samaradorligini oshirish, Respublika ijtimoiy hayotining har bir sohasi va jabhasini rivojlantirish;
• Respublika fan va texnologiyasining rivojlanish istiqboli, mavjud yuqori salohiyatli ilmiy maktablar an'analari hamda ilg'or fundamental va amaliy tadqiqotlarning natijalari bilan tanishish;
• O'zbekiston Respublikasi ijtimoiy-iqtisodiy masalalari hamda ishlab chiqarish korxonalari muammolarini yechishda ilmiy asoslangan takliflar berish;
• Ta'lim muassasalarida olib borilayotgan ilmiy-tadqiqot ishlar natijalarini muvofiqlashtirish, faoliyat ko'rsatayotgan yosh olim, ilmiy tadqiqotchilar, magistrant va iqtidorli hamda iste'dodli talabalarga keng imkoniyatlar yaratish;
• Respublika olimlari tomonidan dolzarb ahamiyatga ega bo'lgan yo'nalishlarda olib borilayotgan va salmoqli natijalarga erishilayotgan ilmiy tadqiqotlar ko'lamini yanada kengaytirish;
• Mamlakatimizning intellektual nufuzini faol reklama qilish hamda izlanishlar natijasini tijoratlashtirishga yo'naltirish;
• O'zbekiston Respublikasi va xorijda yaratilayotgan zamonaviy texnika va texnologiyalar bilan yaqindan tanishish, ularni iqtisodiyot tarmoqlarida tadbiq etishga ko'maklashish.

5. Muhokama qilinadigan muammolar:
• O'zbekiston Respublikasida sanoat tarmoqlari energetik samaradorligini oshirish muammolari;
• O'zbekiston Respublikasi qishloq xo'jaligida mashina va mexanizmlarni takomillashtirish muammolari;
• Ishlab chiqarish korxonalari, servis sohalari tizimida zamonaviy texnika va texnologiyalarni tadbiq etishdagi ekologik muammolar;
• Avtotransport vositalarini ishlatish, yo'l harakat xavfsizligini ta'minlash muammolari;
• Bino va inshootlar, avtomobil yo'llari qurilishida innovatsion texnika va texnologiyalarni joriy qilishning texnologik va iqtisodiy muammolari;
• Sanoat mahsulotlari sifatini oshirishning zamonaviy usullarini ishlab chiqarishga tadbiq etish masalalari;
• Kichik biznes va xususiy tadbirkorlikni rivojlantirish uchun qulay muhit yaratish asosida sohaning raqobatbardoshligini oshirish, ishlab chiqarish va eksport salohiyatini yuksaltirish istiqbollari;
• Oliy o'quv yurtlarida zamonaviy kompyuter dasturlari yaratish hamda talabalarni ilg'or pedagogik metodlarda o'qitishning dolzarb muammolari;
• Demokratik islohotlarni yanada chuqurlashtirish va fuqarolik jamiyatini rivojlantirishni talabalar ongiga singdirishda ijtimoiy fanlarning roli.

6. O'tkaziladigan tadbirning ilmiy-texnik dasturlari doirasida bajarilayotgan loyihalar bilan bog'liqligi: 
Istiqbolli yo'nalishlar bo'yicha yaratilayotgan innovatsion g'oyalar, texnologiyalar va loyihalar va xo'jalik shartnomalari asosida olib borilayotgan ilmiy tadqiqot ishlari bilan bog'liq bo'lib, mazkur ilmiy-tadqiqot ishlarining natijalari anjuman ishida atroflicha muhokama qilinadi.

7. Anjuman natijalaridan kutilayotgan ilmiy, ijtimoiy va iqtisodiy samaradorlik:
Anjumanda muhokama qilinadigan masalalar Respublikamiz iqtisodiyoti tarmoqlarida innovatsion g'oyalar, texnologiyalar va loyihalarni joriy qilishning texnologik va iqtisodiy muammolari hamda ularning yechishga qaratilgan bo'lib, O'zbekiston Respublikasi ilmiy-texnik va ijtimoiy-iqtisodiy rivojlanishida katta ahamiyatga ega.

Anjuman natijasida professor-o'qituvchilar, talabalar, ilmiy xodim-izlanuvchi, mustaqil tadqiqotchi, tegishli sohalar olim va mutaxassislari o'rtasida o'zaro ilmiy-ijodiy hamkorlik muhitini, o'zaro fikr-mulohaza va tajriba almashishlari uchun sharoit yaratib beriladi va ularni fan-texnika taraqqiyoti yo'lida birlashtiriladi. Mamlakatimizning intellektual nufuzini faol reklama qilish hamda izlanishlar natijasini tijoratlashtirishga yo'naltiriladi.

8. Ilmiy-texnik anjumanda yosh olimlar, mutaxassislar, stajyor-tadqiqotchi –izlanuvchi va magistrlarning ishtirok etishi:
Ilmiy-texnik tadbirda yosh olimlar, mutaxassislar, stajyor-tadqiqotchi –izlanuvchi va magistrantlardan 160 nafar kishi ishtirok etishi kutilmoqda.

9. Xorijiy hamkorlar bilan kelishilganligi haqida rozilik xatlari: -yo'q.

10. Anjumanni o'tkazishda Respublikada mavjud soha tashkilotlarining ishtiroki:
Anjumanni o'tkazishda "O'zavtosanoat" AK, "O'zavtoyo'l" DAK va "O'zbekiston temir-yo'llari" DATYK, "O'zbekengilsanoat" DAK, O'zbekiston Davlat arxitektura va qurilish qo'mitasi, "O'zog'irsanoat" ilmiy tekshirish institutlari, Toshkent traktor zavodi OAJ, Jizzax viloyati va shahri hokimliklari, Ilmiy markazlar, 20 dan ortiq oliy o'quv yurtlari professor-o'qituvchilar, talabalar, ilmiy xodim-izlanuvchi, mustaqil tadqiqotchi, tegishli sohalar olim va mutaxassislari ishtirok etishi rejalashtirilmoqda.

O'qildi: 666 | Reyting: 5 | Izohlar: 0


OO'Y reyting